Budöh Eh

Assalamualaikum saleum loen pue poen
Bak mandum kaom yg teungoh di bineh

Neubri bacut watee gata baca ngon kaloen

Bacuet geuhaba loen teuntang budöh éh

Uroe ka ditôep le malam gulita

Pakoen nyoe mata tan tem jilayu

Dalam keureja hana yg ekstra

Mantoeng geumahasiswa ka lé that meulagu

Hawa lam kama ka di ek seu um

Ka lagee rimueng teupok le mangsa

Watee loen budöh ka reut teuma u yup dipeun

Ulèe meualeun ngon meuputa-puta

Ulèe that mumang nibak budöh éh

Nyan pih ngon purèh ka ipöh le ma

Kon loen saja poma tan loen budöh éh

Gantuek cik ka imeugareh lam leupiek mata

Pakoen uloen nyoe cukop that paléh

Diyue budöh éh ka lawan pöma

Hai aneuk meutuah ka jeut nyan ka éh

Badan kapeugleh öh leuh nyan jak ju sikula

Peu meuah uloen pöma loen sayang

Kon loen meuayang lam peugah haba

Jinoe hana le akai lagèe aneuk gang

Uloen ka garang ngon ka dewasa

Cukôp sekian haba loen tutoe

Keumandum asoe peunikmat sastra

Wassalamualaikum jine loen sampoe

Seumoga geutanyoe geubri rahmat le Rabbana

Limpôk, Febuari 2012.